computer keyboard ki jankaari hindi me
PC ke jis bhaag dvaara ham us tak apni baat pahunchaate hain vah V.D.U. ke saath juda hua keyboard hai is par ham apni anguliyon se alag-alag button ya key dabaakar koi aadesh ya daata type karate hain jo kuchh bhi ham type karate hain yadi vah dikhaane laayak hota hai to type karane ke saath hi screen par dikhaaya jaata hai.
ise bhi padein
aadesh ya daata poori tarah type ho jaane par ek khaas return ya enter ko dabaakar vah aadesh ya daata PC mein bhej diya jaata hai.
computer keyboard ki sahaayata se ham computer ki sabhi shaktiyon aur chamtaon ka prayog kar sakate hain isaliye keyboard jitana saral aur shuvidhajanak hoga computer bhi utana hi adhik user frendly hoga.
yoon to keyboard alag alag tarah ke PC aur unako banaane baali company ke anusaar kai tarah ke hote hain lekin mukhya roop se do prakaar ke keyboard upalabdh hain .
101 keys wala keyboard.
104 keys wala keyboard.
ab aap computer keyboard ki jankaari hindi me main padhenge jismein keyboard ki keys ki full jankaari di gayi hai.
mukhya keyboard
yah ek saadhaaran angrejee typearaitar ke keyboard jaisa hota hai ismein roman lipi ke sabhi akshar, ank kuchh vishesh chinh, viraam chinh tatha do shift keys hoti hain mukhya keyboard lagabhag sabhi keyboardon mein ek jaisa hi hota hai.
function keys in batno mein f1 se f12 tak naam likhe hote hain.
kisi-kisi keyboard mein 20 function keys bhi hoti hain yah button vaastav mein poore aadesh ke baraabar hain in sab mein ek ek aisa aadesh bhar diya jaata hai jisaki hamein baar-baar jaroorat padatee hai.
kai keyboardon mein yah aadesh pahale se bhare hote hain jinako badala nahin ja sakata lekin jyaadaatar keyboardon mein ham apni iccha se koi bhi aadesh bhar sakate hain aur jab bhi chaahe badal bhi sakate hain inaka upayog praayhh: computer par us samay chal rahe prograam par hi nirbhar karata hai doosare shabdon mein alag-alag prograamon ke liye inaka alag alag upayog hota hai.
in batno ka prayog karane se hamaara kafi samay bach jaata hai udaaharan ke liye maan lijiye ki hamein koi kaam baar-baar karaana padata hai usaka ek tareeka to yah hai ki usake liye aadesh har baar type kiya jaye ismein samay to lagata hi hai galatiyaan hone ka bhi dar rahata hai jismein aur jyaada samay kharaab hota hai agar ham us aadesh ko kisi function key mein bhar de to keval ek baar ek ungalee dabaane se aadesh type ho jayega yaani us aadesh ka paalan shuroo ho jayega.
sankhyaatmak keypad
keyboard ke daaye bhaag mein calculator jaisa ek key samooh hota hai ismein 0 se 9 tak sabhi ank, dashamalav bindu, dhan (+), rin (-), taara (*) tatha flash (/) ke button bhi hote hain kuchh batno par ank ke neeche kuchh aur bhi chhapa hota hai, jaise ek vaale button par ‘End’, 2 baale par neeche ki or jaane vaale teer ka chinh (⬇)aadi.
is samooh ke batno se sankhyaatmak daata bharane ka kaary kiya jaata hai ham computeron mein jo daata bharate hain un mein 90% se bhi jyaada daata sankhyaatmak hota hai atah sankhyaatmak daata ko jaldi aur achchhi tarah type karane ke liye alag keypad banaaya gaya hai jaise inaka asar thik hai vahi hai jo mukhya keyboard mein lagi keys ka hai.
is keypad se sankhyaen type karane ke liye hamein sankhyaatmak lock naamak button ko daba dena padata hai jab yah button daba rahata hai arthaat on rahata hai to is keypad ki keys se un par upar likhe ank ya chinh type hote hain aur yadi button utha hua arthaat off hota hai to batno par chin likhe hue kaary hote hain kisi keyboard mein numlock ke on off hone ka gyaan us mein lagee ek lite se lata hai.
karsar control keys
in batno par teer ke chinh bane rahate hain jaise➡,⬅,⬇ aur ⬆ inse karsar ko daaye-baaye niche tatha uper le jaaya ja sakata hai. in batno ko ek baar dabaane se karsar un par chhape teer ki disha mein ek sthan daaye baaye athaba ek line uper ya neeche chala jaata hai.
isake alaava karsar ko control karane ki chaar keys aur hoti hain jin par home,End,pg up aur pg dn likha rahata hai.
Home key – home (Home) button dabaane se karsar screen ke upri baaye kone par ya kisi file ke shuroo mein chala jaata hai.
End key – End key dabaane par karsar screen ke nichale daaye kone par ya kisi dastabej ke ant mein pahunch jaata hai.
pg up key – kisi dastabej ya file ke pichhale page par karsar ko le jaane ka kaam karti.
pg dn key – isee tarah pg dn (pg dn) key karsar ko dastabej ke agale page par le jaatee hai agar phaliya dastabej ka koi pichhala agala page nahin hai to page ap aur page daun batno ka koi asar nahin hota.
capital lock key
jab mukhya keyboard par ham kisi angrejee akshar vaale button ko dabaate hain to jyaadaatar keyboard mein vah akshar chhaape ke chhote aksharon mein type hota hai, lekin yadi capital lock key ko ek baar daba diya jaye to sabhi akshar chhaape ke bade aksharon mein type honge.
is key ko dubaara dava dene par yah prabhaav khatm ho jaata hai, yaani akshar phir se chhaape ke chhote aksharon mein aane lagate hain.
vaastav mein is button ka asar aksharon baali keys par usake saath shift key ko dabaaye rakhane ke baraabar hota hai, parantu doosare batno par isaka koi asar nahin padata.
shift keys
typearaitaro ki tarah agar kisi shift key ko dabaaye rakhakar kisi akshar ko type kiya jaye, to vah chhaape ke bade aksharon mein aata hai lekin yadi capital lock button pahle se daba hua hai, to shift key ka asar ulta ho jaata hai, yaani is key ke saath koi akshar type karane par chhaape ke chhote akshar aate hain.
jin batno par do chinh likhe hote hain unhen shift ke bina dabaane par neeche likha chinh aata hai aur shift ke saath dabaane par uper wala chinh type hota hai aise batno par kepital lock key ka koi prabhaav nahin hota.
Tab key
is button ki sahaayata se ham karsar ko kisi Line mein pahale se tay kiye hue sthaanon tak kudaate hue le ja sakate hain isaki sahaayata se ham paragraph, colum aadi bana sakate hain kuchh software packagon mein is key ka prayog kisi Menu mein pasand chunane ya koi sahaayata lene ke liye bhi kiya jaata hai.
wod processor mein isaka upayog shabdon ke beech adhik space dene mein kiya jaata hai.
Backspace key
is button ko dabaane se karsar ke thik baayeen or wala chinh gaayab ho jaata hai aur karsar ek sthaan peechhe ki or chala jaata hai is key ka prayog typing mein speling ki galatiyon ko sudhaarane ke liye kiya jaata hai.
return ya enter key
yah key screen par taiyaar kiye gaye daata ya aadesh ko computer mein bhejane ka kaary karti hai, return ya enter dabaane se computer ko pata chal jaata hai ki hamane typeing ka kaam poora kar liya hai aur ab computer apana kaam shuroo kar sakata hai, yaani hamaare aadesh ka paalan kar sakata hai, word prosesing prograamon mein return ya enter dabaane se nayi Line ya paragraph praarambh ho jaata hai.
delete key
is button dabaane se karsar wala chinh gaayab ho jaata hai.
isaka upayog typeing ki galatiyo ko thik karane mein kiya jaata hai.
isake doosare prayog bhi ho sakate hain.
print screen key
is button ko dabaane par us samay screen par jo bhi daata ya soochana ho, vah PC ke saath jude printar par thik usee tarah chhap jaatee hai.
kabhi-kabhi yah key shift ke saath dabaayi jaatee hai.
agar PC mein printar nahin laga hai, to isaka koi asar nahin hota, windows opareting system mein kaary karate samay yah key dabaane se screen par dikhayi padane waali samast saamagree ek sthaan par store ho jaati hai, jise clip bord kaha jaata hai.
aap clip bord ki saamagree ko kisi file ke roop mein bhi surakshit kar sakate hain aur chhaap sakate hain.
pause/break button
is key ko dabaane par screen jahaan hai, vahin ruk jaatee hai. agar screen par koi soochana lambi ho aur vah itni jaldi jaldi aarahi ho ki aap achchhi tarah dekh na payein, to is button ko dabaate hi soochana ka aana ruk jaata hai, jisase ki aap use padh sake.
koi doosari key dava dene par vah soochana phir se aane lagatee hai. yadi aapake keyboard mein pause button nahin hai, to aap control key ke saath ‘s’ dabaakar bhi yahi kaam kar sakate hai.
scroll lock key
yah key pause button jaisa hi kaam karti hai, parantu soochana aana phir se shuroo karaane ke liye aapako kisi aur button ke bajaay vahi button phir se dabaana padega, yah isaliye kiya jaata hai ki screen par dikhayi gayi soochana ko aap apane printar par chhapava sake aur doosara button dabaane se vah gaayab na ho jaye.
ESC, CRL and ALT keys
yah button kuchh khaas khaas kaamon ke liye doosare batno ke saath prayog mein laaye jaate hain, udaaharan ke liye control ke saath ‘c’ dabaane par us samay chal raha hamaara prograam vahi khatm ho jaata hai. in keys ka kaam aur prayog alag-alag PC ke keyboard mein alag-alag hota hai.
isaki poori aur sahi jankaari ke liye PC ka menual dekhana chaahie.
isaka upayog software ke anusaar badalata rahata hai.
Reset key
jyaadaatar computeron mein ESC (ESC) control (CRL) or ALT (ALT) yah teen button ek saath daba dene par computer mein chal rahe sabhi prograam khatm ho jaate hain aur PC apni shuroo ki haalat mein pahunch jaata hai jaise aapane usi samay shuroo kiya ho.
kabhi kabhi computer ruk sa gaya maaloom hota hai vaastav mein us samay koi aisa prograam chal raha hota hai jo khatm nahin hota yah prograam ki galatiyon se hota hai aisee haalat mein Reset karana jaruri hota hai nahin to computer ko band karake phir se chaaloo karana padata hai.
104 keys vaale keyboard mein uper batayi gayi keys ke alaava windows mein kaam aane baali 3 aur keys hoti hain haalaanki unaka koi vishesh upayog nahin hota aajakal aise keyboard bhi upalabdh hain jin par intaranet ke kaary se sambandhit kai anay button lage hote hain sabhi kybordon ki apni visheshataen hoti hai.
hamaare dvaara batayi gayi jankaari lagbhag sabhi keyboard par laagoo hoti hai, parantu poori aur sahi jankaari keyboard ke saath mile menual mein hi mil sakati hai.
aapako yah menual avashy lena chaahie aur ek baar poora padh lena chaahie jaroorat padane par beech beech mein bhi menual dekhate rahana chaahie.
mujhe aasha hai ki mere dvaara batayi gayi computer keyboard ki jankaari hindi mein aapako pasand aayi hogee aur ise aap apane doston ke saath share jarur kareinge.
